ម្សិលមិញនេះ ក្រុមហ៊ុន HMD Global ដែលជាក្រុមហ៊ុនផលិត និងចែកចាយទូរស័ព្ទដៃ Nokia ទើបតែបានណែនាំស្មាតហ្វូន ដែលមានតម្លៃសមរម្យបំផុតរបស់ខ្លួនគឺ Nokia 2.2 ដំណើរការដោយប្រព័ន្ធ Android One ដើម្បីចូលរួមចាប់យកចំណែកទីផ្សារស្មាតហ្វូនតម្លៃទាប ជាពិសេសអ្នកប្រើប្រាស់ថ្មីថ្មោង (100 ដុល្លារ / 90 អឺរ៉ូ)។
ទូរស័ព្ទនេះ មានអេក្រង់ទំហំ 5.7 អ៊ីញបែបដំណក់ទឹក ប្រភេទ IPS អាចបង្ហាញរូបភាពកម្រិត HD+ ហើយមានកាមេរ៉ាមុខទំហំ 5MP និងខាងក្រោយមានទំហំ 13MP អមដោយភ្លើង LED flash នឹងគ្មានកន្លែងស្កេនក្រយ៉ៅដៃទេ ប៉ុន្តែជំនួសមកវិញនូវមុខងារ Face Unlock វិញ។
Nokia 2.2 ប្រើប្រាស់បន្ទះឈីប Helio A22 ជាមួយនឹង CPU Quad-core លើ Ram 2GB16GB និង 3GB/32GB ហើយអាចបន្ថែម microSD បានទៀត។ វាមានថាមពលថ្មទំហំ 3,000 mAh អាចសាកថ្មបានតាមរយៈរន្ធ microUSB។
ទូរស័ព្ទ Nokia 2.2 នឹងមានពណ៌ខ្មៅ និងពណ៌ប្រផេះ(ដែក) ហើយនឹងចាប់ផ្តើមដាក់លក់នៅថ្ងៃទី 11 ខែមិថុនា ឆ្នាំ 2019 សម្រាប់ទីផ្សារស្រុកក្រៅ ដោយទូរស័ព្ទដែលមាន Ram 2/16GB មានតម្លៃ (100 ដុល្លារ / 90 អឺរ៉ូ) ខណៈពេលដែលអា Ram 3/32GB មានតម្លៃប្រហែល(115USD/102អឺរ៉ូ)។ យ៉ាងណាមិញ ក្រុមហ៊ុន HMD បាននិយាយថាខ្លួននឹងផ្តល់ដាក់លក់ឧបករណ៍ថ្មីសម្រាប់ទីផ្សារនៅទូទាំងពិភពលោក ក្នុងតម្លៃប្រហែល 99/112 ដុល្លារអាមេរិក ប៉ុន្តែមិនទាន់បានបញ្ជាក់ កាលបរិច្ឆេទកំណត់ពិតប្រាកដនោះទេ៕
