LG អាចនឹងបញ្ចេញស្មាតហ្វូនបំពាក់កាមេរ៉ា ៥ គ្រាប់ជាលើកដំបូង

តាម​ព័ត៌មាន​បែកធ្លាយ​មួយ​បាន​បង្ហាញថា ក្រុមហ៊ុន LG កំពុង​ស​ង្ងំ​ខ្លួន​ផលិត​ស្មា​ត​ហ្វូ​ន​ត្រកូល V ដែលមាន​អេក្រង់​លាត​ពេញ​ផ្ទៃ​ខាងមុខ ដែល​អាចដាក់​បង្ហាញ​នៅ​ប៉ុន្មាន​ខែ​ខាងមុខនេះ។

យោងតាម  WCCF Tech បាន​និយាយថា LG V40 នឹង​ក្លាយជា​ក្រុមហ៊ុន​ដំបូង គេ​បង្អស់ ដែល​បំពាក់​កាមេរ៉ា ៥ គ្រាប់ នៅលើ​ទូរស័ព្ទ​មួយគ្រឿង ដោយ​ក្នុងនោះ កាមេរ៉ា​ខាងក្រោយ មាន​ចំនួន ៣ គ្រាប់​ដូច​ទៅនឹង P20 Pro ដែរ និង​ខាងមុខ​មាន ២ គ្រាប់​ទៀត កាន់តែ​លេចធ្លោ ដែលជា​ធម្មតា​ក្រុមហ៊ុន ដទៃ​មាន​កាមេរ៉ា​តែ ២ ឬ ៣ គ្រាប់​ប៉ុណ្ណោះ។

កាមេរ៉ា​នោះដែរ ក្រុមហ៊ុន LG អាច​នឹង​ប្រើប្រាស់ កាមេរ៉ា Wide Angle តាម​ទម្លាប់​ចាស់​របស់ខ្លួន ដដែល និង​បន្ថែម​កាមេរ៉ា Telephoto មួយ​គ្រាប់ បន្ថែមទៀត ដែល​ក្នុងនោះ កាមេរ៉ា​គោល មាន​ទំហំ ១៦ មេ​ហ្គា​ភិ​ច​ស៊ែ​ល កាមេរ៉ា​ពង្រីក មាន​ទំហំ ២០ មេ​ហ្គា​ភិ​ច​ស៊ែ​ល និង​កាមេរ៉ា​ទូលាយ មាន​ទំហំ ១៣ មេ​ហ្គា​ភិ​ច​ស៊ែ​ល បើ​យោងតាម ព័ត៌មាន​ចេញពី ETNews ដែល​កាមេរ៉ា​ប៉ុន​នេះ ក្រុមហ៊ុន LG នឹង​អាច​កែច្នៃ​មុខងារ ថត ជូន​ដល់​អ្នកប្រើប្រាស់ យ៉ាងច្រើន​ជាមិនខាន ដោយ​យើង​នឹង​បានឃើញ​ការ ថត​ព្រាល​កាន់តែ​ឡូយ ការថត​ពង្រីក មិន​បាត់​គុណភាព ការថត​ទូលាយ​បាន​ធំ និង​មានគុណ​ភាពច្បាស់ ជាង​មុន​ផងដែរ។

ផ្នែក​អេក្រង់ ក៏​ជា​ចំណុច​ដែលមាន​មនុស្ស​ជាច្រើន​ចាប់អារម្មណ៍​ផងដែរ ដោយសារតែ​ក្រុមហ៊ុន​ចិន កំពុង វាយលុក​ខ្លាំង ប៉ុន្តែ​កម្រិត​បង្ហាញ​រូបភាព របស់​ពួកគេ នៅ​ស្ទើរ​នៅឡើយ​ទេ មិន​ដូចជា ក្រុមហ៊ុន Sony, Samsung, និង LG ឡើយ។ ដូចនេះ ក្រុមហ៊ុន​កូរ៉េ​អាច​នឹង​យក ឈ្នះ​បាន នៅលើ​ផ្នែក​នេះ ដែល​ក្រុមហ៊ុន LG គម្រោង​នឹង​បញ្ចេញ អេក្រង់​លាត ៩០% នៃ​តួខ្លួន​របស់ V40 របស់គេ ធ្វើ​ឲ្យ​រូបរាង កាន់តែ​តូច ប៉ុន្តែ​ទទួលបាន អេក្រង់​កានតែ​ធំ។ កាលពី​ឆ្នាំមុន យើង​បានឃើញ LG បំពាក់​អេក្រង់ OLED នៅលើ V30 អញ្ចឹង​ឆ្នាំនេះ យើង​ក៏​អាច​ទាញ បានដែរ​ថា V40 នឹង​នៅតែ​បន្ដ​អេក្រង់ កម្រិត​ខ្ពស់ របស់ខ្លួន​ដដែល៕