រាជធានីភ្នំពេញ៖ បន្ទាប់ក្រុមហ៊ុន HMD Global បានចេញទូរស័ព្ទ Nokia 2.2 និង Nokia 3.2 កាលពីដើមខែមិថុនា ពេលនេះទូរស័ព្ទទាំងពីរ ចាប់ផ្ដើមបង្ហាញវត្តមានក្នុងទីផ្សារប្រទេសកម្ពុជា យើង ជាមួយនឹងតម្លៃសមរម្យ ជាមួយនឹងការថែមជូនកាដូរសម្រាប់រដូវភ្លៀងមួយផងដែរ។
តាមការឲ្យដឹងពីក្រុមហ៊ុន KTH ដែលជាក្រុមហ៊ុនទទួលសិទ្ធចែកចាយផ្ដាច់មុខទូរស័ព្ទ Nokia សម្រាប់ទីផ្សារកម្ពុជា អតិថិជនទាំងអស់អាចរកជាវទូរស័ព្ទ ទូរស័ព្ទ Nokia 2.2 ក្នុងតម្លៃ 127 ដុល្លារ និង Nokia 3.2 មានតម្លៃ 145 ដុល្លារ នៅតាមបណ្ដាលហាង លក់ទូរស័ព្ទនៅទូទាំងប្រទេសចាប់ពីថ្ងៃជូនដំណឹងនេះតទៅ ជាមួយនឹងការថែមជូនអាវភ្លៀងមួយដោយឥតគិតថ្លៃ។
ទូរស័ព្ទ Nokia 2.2 ត្រូវបានបំពាក់នូវអេក្រង់ទំហំ 5.71 អ៊ីញ ដែលអាចបង្ហាញ គុណភាពបានកម្រិត HD+ (720×1520) ជាបន្ទះប្រភេទ LCD (293 dpi) ជាមួយអេក្រង់ថ្ងាសបែបដំណក់ទឹកធ្លាក់។ សន្ទះខាងក្រោយ នៃស្មាតហ្វូនថ្មីនេះ គឺបានផលិតឡើងដោយប្លាស្ទិកប៉ូលីកាបូណាតជាប្រភេទរលោង និងអាចដោះចេញបាន។ ចំពោះកាមេរ៉ាខាងមុខ គឺត្រូវបានបំពាក់នូវ សេនស័រ កាមេរ៉ាទំហំ 13MP មួយគ្រាប់តែប៉ុណ្ណោះ ដោយផ្នែកខាងមុខ មានសេនស័រកាមេរ៉ាទំហំ 5MP ។
ចំពោះកម្លាំងម៉ាស៊ីនវិញ Nokia 2.2 បានប្រើប្រាស់បន្ទះឈីប MediaTek Helio A22 SoC (Quad-Core) ដែលមានថាមពេលថ្មទំហំ 3,000mAh ហើយមានទំហំផ្ទុក 3GB/32GB ។ ចំណែកឯផ្នែកសុវត្ថិភាពមិនមានកន្លែងសម្រាប់ ស្កេនស្នាមម្រាមដៃទេ តែស្មាតហ្វូនស៊េរីថ្មីនេះ ប្រើប្រាស់មុខងារស្កេនមុខ AI ជំនួសវិញតែម្ដង។
ដោយឡែកស្មាតហ្វូន Nokia 3.2 មានអេក្រង់ទំហំ 6.26-inch a-Si TFT LCD display បែបតំណក់ទឹកអាចបង្ហាញរូពភាពលើកម្រិតភាពច្បាស់ 720 x 1520 pixels និងកម្រិតសមាមាត្រ 19:9 aspect ratio ។ កាមេរ៉ាខាងមុខទំហំ 5 មេហ្គាភិចសែល អាចប្រើសម្រាប់ដោះសោរ Face Unlock ហើយនៅផ្នែកខាងក្រោយមានកាមេរ៉ាមួយគ្រាប់ទំហំ 13 មេហ្គាភិចសែល ស្ថិតនៅខាងលើសេនស័រស្កេនម្រាមដៃ។
ស្មាតហ្វូននេះភ្ជាប់ជាមួយនឹងបន្ទះឈីប Snapdragon 429 ដែលមានរ៉េមទំហំ 3GB/32GB។ វាបានបំពាក់ជាមួយនឹងថាមពលថ្មទំហំ 4,000mAh និងមានភ្ជាប់ជាមួយនឹងប៊ូតុងសម្រាប់ Google Assistant ហើយក្រុមហ៊ុនបច្ចេកវិទ្យា Nokia ពេលនេះគ៏មានភ្ជាប់ជាមួយនឹងភ្លើង LED notification light នៅលើប៊ូតុង Power ផងដែរ។
ចំពោះ ប្រិយមិត្តទាំងអស់ដែលចង់បានទូរស័ព្ទ Nokia 2.2 និង Nokia 3.2 អាចរកជាវបាននៅគ្រប់ហាងលក់ទូរស័ព្ទទាំងអស់ទូទាំងប្រទេសកម្ពុជា ជាមួយនឹងការថែមជូនអាវភ្លៀងដ៏ស្រស់ស្អាតមួយ។ សម្រាប់ព័ត៌មានបន្ថែមសូមទាក់ទងបានតាមរយៈលេខទូរស័ព្ទ 012879 707៕
