បរទេស៖ ម្សិលមិញនេះ ក្រុមហ៊ុន LG បានចេញចេញសេចក្ដីប្រកាសមួយបង្ហាញពីភាពរីករាយថ្មី បន្ទាប់ពីស្មាតហ្វូនពីរម៉ូឌែលរបស់ខ្លួនត្រូវបានលក់ដាច់គ្មានសល់ដោយប្រើពេលត្រឹមមួយនាទីប៉ុណ្ណោះ។
តាមការបញ្ជាក់ពីក្រុមហ៊ុន LG តាមគណនី Twitter បាននិយាយថា ទូរស័ព្ទ W10 និង W30 មានការលក់យ៉ាងអស្ចារ្យនៅលើគេហទំព័រ Amazon នៅប្រទេសឥណ្ឌា ហើយស្ដុកថ្មីនឹងមានលក់ម្ដងទៀតនៅថ្ងៃទី 10 ខែកក្ដដា ឆ្នាំ 2019 ។
បន្ទាប់ពីទទួលបានភាពជោគជ័យទៅលើការលក់ស្មាតហ្វូនត្រកូល W នេះ អ្នកប្រើប្រាស់ជាច្រើនបានរំពឹងទុកថា ក្រុមហ៊ុនអាចនឹងបញ្ចេញស្មាតហ្វូន W30 Pro ក្នុងពេលឆាប់៕
