ខណៈថ្ងៃបើកសម្ពោធជាផ្លូវការមិនទាន់មកដល់ រូបរាងទូរស័ព្ទ Galaxy Note 9 ត្រូវបានគណនី YouTube ឈ្មោះ MySmartPrice ធ្វើការបង្ហាញគ្មានសល់អ្វី ទាំងរូបរាង លក្ខណៈសម្បត្តិផ្សេង រូមទាំងប្រអប់របស់វាផងដែរ។
តាមរយៈវីដេអូនោះ បានឲ្យដឹងថា ទូរស័ព្ទប្រើប៊ិចជំនាន់ថ្មី Note 9 មានបំពាក់ជាមួយនឹង RAM 8GB និង Memory សុត្ធតែកប់ 512GB។ វីដេអូនោះ ដែលក៏បានឲ្យដឹងទៀតថា Galaxy Note 9 បានភ្ជាប់ជាមួយអេក្រង់ OLED ទំហំ ៦,៣ អ៊ីញកម្រិត QHD+ នៅ 2960x1440px។ អ្វីកាន់តែពិសេសនោះ វានឹងត្រូវបង្កើនថាមពលថ្មដល់ 4000mAh។
យ៉ាងមិញ យើងមិនទាន់អាចនិយាយអ្វីបានទាំងអស់ ខណៈមានមតិជាច្រើនលើកឡើងថា រូបភាពក្នុងវីដេអូនោះ គ្រាន់តែជាទូរស័ព្ទក្លែងក្លាយរបស់ចិន ដែលលួចចម្លងម៉ូតតាមព័ត៌មានដែលបែកធ្លាយប៉ុំណ្ណោះ។ សម្រាប់ខព្រឹត្តិការណ៍សម្ពោធផេប្លេតនេះ Samsung បានកំណត់ថ្ងៃរួចហើយ គឺនៅថ្ងៃទី៩ ខែសីហាខាងមុខ ហើយសាធារណជនក៏ប្រហែលនឹងបានឃើញនាឡិកា Galaxy Watch ជំនាន់ថ្មីក្នុងព្រឹត្តិការណ៍តែមួយផងដែរ ដែល Smartwatch នឹងមានលក់ចាប់ពីថ្ងៃទី២៤ ខែសីហា៕
